2026 წლის 10-11 ივლისს, ზღვისპირა ქალაქი ბათუმი საქართველოს სტომატოლოგთა ასოციაციის (GSA) XXII საერთაშორისო კონგრესს უმასპინძლებს. წლევანდელი კონგრესის მთავარ ფოკუსს და სადისკუსიო თემას წარმოადგენს „სპეციალური საჭიროების სტომატოლოგია“ (Special Care Dentistry) – მიმართულება, რომელიც უმნიშვნელოვანეს როლს ასრულებს თანამედროვე, ინკლუზიური ჯანდაცვისა და კლინიკური მედიცინის განვითარებაში.
კონგრესი ერთ სივრცეში გააერთიანებს ადგილობრივ და საერთაშორისო დელეგატებს. ორდღიანი სამეცნიერო პროგრამის ფარგლებში, ექსპერტები აშშ-დან, საფრანგეთიდან, პოლონეთიდან, ბულგარეთიდან, თურქეთიდან და საქართველოდან გააზიარებენ უახლეს კლინიკურ გამოცდილებასა და კვლევებს.
წინასწარი პროგრამა
დღე 1 – 10 ივლისი
10:00 – 10:30 | კონგრესის საზეიმო გახსნა
10:30 – 11:30 | ქვედა ყბის დისტრაქცია ახალშობილებში სასუნთქი გზების მართვისთვის სინდრომული მიკროგნათიების დროს – ალტონ ვაროლი , ბაჰჩეშეჰირის უნივერსიტეტის პირისა და ყბა-სახის ქირურგიის დეპარტამენტის ხელმძღვანელი (სტამბოლისა და ბათუმის კამპუსები), თურქეთი – საქართველო
11:30 – 12:30 სტომატოლოგიური ჩარევების დაგეგმვა და მართვა ჰემატოლოგიური პათოლოგიების მქონე პაციენტებში – სოფიო სამხარაძე, მედიცინის დოქტორი, პროფესორი, საქართველოს სტომატოლოგთა ასოციაციის ვიცე-პრეზიდენტი, ევროპის უნივერსიტეტის სტომატოლოგიის ფაკულტეტის დეკანი, საქართველო
12:30 – 13:30 | შესვენება
13:30 – 14:30 | სისტემური პათოლოგიების გავლენა სტომატოლოგიური მკურნალობის დაგეგმვაში და განხორციელებაში: კლინიკური შემთხვევების ანალიზი – მარიკა ზურმიხტაშვილი, მედიცინის დოქტორი, ასოცირებული პროფესორი, ევროპის უნივერსიტეტის სტომატოლოგიის პროგრამის თანა-ხელმძღვანელი, საქართველო
14:30 – 15:30 | ონკოლოგიური პაციენტების პირის ღრუს მოვლა მკურნალობამდე, მკურნალობის დროს და შემდეგ – ელჟბიეტა პაშინსკა, პროფესორი, პოზნანის უნივერსიტეტის მედიცინისა და ჯანმრთელობის მეცნიერებების დოქტორი, პოლონეთი
15:30 – 16:30 | საქართველოში რეგისტრირებული, ინდივიდუალური ჰიგიენის საშუალებები, შეზღუდული შესაძლებლობის მქონე პირთათვის – თამთა ჩიქობავა – ბაუ-ბათუმის საერთაშორისო უნივერსიტეტის აკადემიური წევრი, ბათუმის შოთა რუსთაველის სახელმწიფო უნივერსიტეტის მოწვეული პედაგოგი, საქართველო
დღე 2 – 11 ივლისი
11:00 – 12:30 | სიღრმისეული ხედვა ლითიუმის დისილიკატის რესტავრაციებზე ცირკონიუმის ეპოქაში – კენეტ ა. მალამენტი, D.D.S., M.Sc.D., აშშ
12:30 – 13:30 | ერბიუმის ლაზერის გამოყენება პაროდონტული დაავადებების, პერიიმპლანტიტის და ენდოდონტიური პროცედურების მკურნალობაში – გეორგი ტომოვი, პროფესორი, პლოვდივის სამედიცინო უნივერსიტეტი, ლაზერული სტომატოლოგიის საერთაშორისო საზოგადოების (ISLD) აღმასრულებელი საბჭოს წევრი, ბულგარეთი
13:30 – 14:30 | შესვენება
14:30 – 15:30 | ოკლუზია თანამედროვე კერამიკულ მასალებსა და ციფრულ პროტოკოლებში, მარიამ მარველაშვილი-მალამენტი, DMD, MSc, PhD, FACP, აშშ – საქართველო
15:30 – 16:30 | პაროდონტოლოგი, იმპლანტოლოგი, ორთოპედი სტომატოლოგი, საერთაშორისო ლექტორი და საგანმანათლებლო საზოგადოების ESPACE 14 – დენტალური იმპლანტოლოგიის კვლევისა და სწავლების კოლეჯის პრეზიდენტი რობერტ ფრომენტალი – (ლიონი, საფრანგეთი)
16:30 – 17:30 ლაზერული სტომატოლოგია – ფუფუნება თუ აუცილებლობა, რისოვანნაია ოლგა – მედიცინის მეცნიერებათა დოქტორი, პროფესორი
17:30 – 17:00| კონგრესის დახურვა და შეჯამება
მონაწილეობის ღირებულება:
- 430 ლარი (წევრებისთვის)
- 580 ლარი (არაწევრებისთვის)
- 270 ლარი (სტუდენტისთვის)
25 ივნისის შემდეგ რეგისტრირებული მსმენელებისთვის არ გაიცემა სახელობითი სერტიფიკატი, გაიცემა შაბლონური სერტიფიკატი. რეგისტრაცია გულისხმობს კონფერენციის მონაწილეობის საფასურის გადახდას.
გვიანი რეგისტრაცია:
- 530 ლარი (წევრებისთვის)
- 680 ლარი (არაწევრებისთვის)
- 290 ლარი (სტუდენტისთვის)
საბანკო რეკვიზიტები:
ააიპ “საქართველოს სტომატოლოგთა ასოციაცია”
“თიბისი” ბანკი
ანგარიშის ნომერი: GE19TB1100000107700215
საიდენტიფიკაციო კოდი: 205049534
დანიშნულება: სახელი /გვარი -ის კონგრესში მონაწილეობის საფასური
საკონტაქტო ინფორმაცია:
+ 0322 30 97 11
+ 995 595 53 23 53
ელფოსტა: info@gsa.ge
